Një person ka humbur jetën si pasojë e një aksident trafiku të ndodhur në Viti të Gjilanit, të mërkurën e gjashtë dhjetorit.
Sipas raportit 24-orësh të Policisë së Kosovës, thuhet se viktima kishte humbur kontrollin mbi veturën që drejtonte duke u përplasur me një autobus që po lëvizte në kahjen tjetër të rrugës.
Viktima është dërguar për trajtim mjekësor, ku nga mjekët është konstatuar se ka ndërruar jetë.
Me vendim të prokurorit, trupi i pajetë është dërguar në obduksion.
“Një femër kosovare ka pësuar lëndime të rënda trupore pasi ka humbur kontrollin mbi veturën që e drejtonte, duke u përplasur frontalisht me një autobus që po lëvizte në kahjen tjetër të rrugës. Viktima është dërguar për trajtim mjekësor ku nga mjekët është konstatuar se ka ndërruar jetë. Me vendim të prokurorit trupi i pajetë është dërguar në obduksion”, thuhet në raport.