Shiritat e vendosur tek pjesa e rrethojave është e dëmtuar, këto janë shenjë e aksidenti që ndodhi në mengjesin e hershëm të kësaj të hëne.
E tërë ngjarja kishte ndodhi rreth orës 03 të mëngjesit ku një veturë që po qarkullonte në lagjen Lakrishtë, ra nga lartësia e rrethërrotullimit.
Për atë se si ndodhi deri të ky aksident, Policia e Kosovës thonë se janë duke e hetuar rastin
“Tre personat që gjendeshin brenda veturës që pësoi aksident tashmë janë duke marr trajtimin e tyre në Qendren Klinike Universitare të Kosovës”, thuhet në njoftimin e Policisë së Kosovës.
“Dy prej tyre që janë edhe familjarë mes veti, po trajtohen në Klinikën e Kirurgjisë Torakale, e të cilët kanë edhe gjendje të mirë shëndetëosre, por gjendje të njëjtë nuk ka personi I tretë i lënduar”, ka thënë drejtori i Klinikës së Kirurgjisë Torakale, Nazmi Kolgeci.
Në Kosovë ditëve të fundit janë shtuar aksidentet në komunikacion, ku brenda dy ditëve kanë ndodhur mbi 200 aksidente. Sipas të dhënave të publikuar nga Policia e Kosovës, më datën 11 gusht kanë ndodhur 104 aksidente, ku 40 ishin me persona të lënduar, ndërsa 64 tjerë raportohet të kenë qenë vetëm me dëme materiale.