Të dielën rreth orës 09:00 në rrugën “Dardania” në Fushë Kosovë, gjatë një aksidenti trafik rrugor, tri vetura kanë hyrë nën shkallët e një lokali.
Aksidenti kishte ndodhur si pasojë e një veture e cila ka qenë në lëvizje derisa dy veturat kanë qenë të parkuara.
Lidhur me rastin RTV Dukagjini ka kontaktuar zëdhënësen e Policisë së Kosovës në Prishtinë, Flora Ahmeti, e cila ka konfirmuar se ka pësuar lëndime vetëm një person, si dhe janë shkaktuar dëme materiale.
Në vendin e ngjarjes kanë arritur policia dhe ambulanca.
Ndërsa me rastin vazhdon të merret Njësia Trafikut Rajonal.
