Dy persona janë lënduar si pasojë e një aksidenti të ndodhur pasditen e së hënës në fshatin Kovaçec të Kaçanikut.
Kështu bëri të ditur për Portalin Dukagjini, zëdhënësi i Policisë Rajonale në Ferizaj, Kanun Veseli, i cili tha se në aksident janë përfshirë një automjet i zjarrfikësve dhe një veturë civile.
“Sot në ora 14:44, Policia rajonale e Ferizajt ka pranuar një informacion se në fshatin Kovaçec të Kaçanikut është një aksident komunikacioni ku janë përfshirë një automjet i zjarrfikësve dhe një veturë civile. Veç dëmeve të shkaktuara materiale në automjete, lëndime kanë pësuar dy persona”, tha Veseli.
Veç patrullës së Policisë së stacionit të Kaçanik, në vendin e ngjarjes kanë dalë edhe Njësia e Hetimeve të Aksidenteve të Komunikacionit Rrugor për hetimin e rastit, shtoi Veseli.