Ngritet aktakuzë ndaj tre zyrtarëve të QKUK-së

Sipas aktakuzës së ngritur nga Prokuroria Themelore në Prishtinë, persona zyrtarë nga QKUK dyshohet se kanë keqpërdorur mbi 104 mijë euro me një tender për sistemin e kamerave

Prokuroria Themelore në Prishtinë ka ngritur aktakuzë ndaj tre personave me iniciale F.H, L.J dhe Y.K, zyrtarë nga Qendra Klinike Universitare e Kosovës, për veprën penale “Keqpërdorim i detyrës zyrtare”.

Sipas aktakuzës, të njëjtit, dyshohet se kanë keqpërdorur mbi 104 mijë euro me një tender për sistemin e kamerave në QKUK.

“Furnizimi dhe montimi i sistemit të integruar të monitorimit me kamera dhe Integrimi i sistemit të kontrollit të qasjes”, kontratë e nënshkruar në mes të QKUK-së dhe operatorit ekonomik “Artech”, tërë aktivitetin e kryer në dhjetor të vitit 2020, përfshirë pranimin e mallit, ekzekutimin e punimeve dhe pranimin teknik të punimeve, kanë nënshkruar një raport fiktiv, e që ka qenë në kundërshtim me gjendjen faktike, duke i shkaktuar dëm material me shumën prej 104 mijë e 751 euro QKUK-së”, thuhet në njoftimin e Prokurorisë.

10 Tips To Install Hidden Security Cameras At Home – Forbes Advisor
Ilustrim

Sipas aktakuzës, më 22 dhjetor të vitit 2020, të pandehurit, në cilësinë e personave zyrtarë (IT), në QKUK, në kundërshtim me Ligjin për Prokurimin Publik, kanë shfrytëzuar detyrën zyrtare, me qëllim të përfitimit të kundërligjshëm të dobisë pasurore për veten apo tjetrin, duke mos i përmbushur detyrat e tyre zyrtare.

“Prokurori i çështjes me rastin e ngritjes së aktakuzës, i ka propozuar gjykatës që të pandehurit e lartcekur të shpallen fajtorë dhe të dënohen sipas ligjit për veprën penale e cila iu vihet në barrë, po ashtu i njëjti ka propozuar që të pandehurve t’u shqiptohet dënimi plotësues i ndalimit të ushtrimit të funksioneve në administratën publike ose në shërbimin publik, konform dispozitave të Kodit Penal të Republikës së Kosovës”, thuhet më tutje në njoftim.

Qendra Klinike Universitare e Kosovës i kishte paguar 104 mijë euro për blerjen dhe instalimin e kamerave në bazë të një kontratë të nënshkruar më datë 11 shtator 2020 me kompaninë ARTECH.

Vdekje e dyshimtë në QKUK – BotaPress
Ilustrim, QKUK

Sipas një hulumtimi mbi këtë rast nga mediumi Kallxo.com, kontrata ishte përmbyllur dhe pagesat ishin realizuar nga QKUK-ja, mirëpo Auditori i Brendshëm i Shërbimit Spitalor Klinik Universitar të Kosovës theksonte se punët nuk ishin realizuar sipas kontratës.

Menaxhmenti i ShSKUK-së raportin e Auditorit të Brendshëm e kishte dërguar për hetim tek Policia e Kosovës.

Auditori në raportin e tij kishte thënë se në depo ka mungesë të mallit që zyrtarisht është blerë.

“Ne gjatë auditimit nuk kemi gjetur sasinë e deklaruar të mallit në depo dhe nuk kemi gjetur pranimin e mallit nga depoisti, i cili deklaron se deri më datë 27.08.2021 ditë e premte nuk ka pasur asnjë pranim të mallit nga kjo kontratë”, thuhej në raport.

Gjithashtu në raport thuhej se depoisti ka deklaruar se në të njëjtën datë është sjellë një sasi e mallit në depo por që nuk është pranuar formalisht.

Në raport theksohej se kamerat janë vendosur, por nuk ishin funksionale pasi mungonte dhoma e monitorimit.

The effect of CCTV on public safety: Research roundup - The Journalist's Resource
Ilustrim

Qendra Klinike Universitare e Kosovës e kishte kontraktuar kompaninë NTSh “ARTECH” me 11 shtator 2020 për tenderin, “Furnizimi dhe montimi i sistemit të integruar të monitorimit me kamera dhe Integrimi i sistemit të kontrollit të qasjes”.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika