Prokuroria Themelore e Mitrovicës ende nuk është informuar për rastin e bërë publik ku kryetari i degës së Lëvizjes Vetëvendosje, Hysni Mehani, ka pretenduar se është sulmuar fizikisht nga kryetari i kësaj komune, Sami Lushtaku.
“Ende nuk jemi informuar për këtë rast, prokurori kujdestar është i angazhuar në një rast tjetër dhe deri para gjysmë ore nuk jemi informuar”, tha për Dukagjinin, zëdhënësi i Prokurorisë Themeloren në Mitrovicë, Valon Preteni.
Kujtojmë se ky rast u bë publik nga anëtari i LVV-së në Skenderaj, Bahri Zabeli, shkrim i cili u postua në emër të Mehanit.
“Te dashur miq jam sulmuar nga Sami Lushtaku dhe banda e tij. Telefonin personal ma kanë marrë. Lus policinë të mbroj familjen time dhe ftoj familjrët për përmbajtje. Hysni Mehani”, thuhet në postimin e tij në Facebook.
Po ashtu Dukagjini ende është në pritje të një përgjigje zyrtare nga Policia në Mitrovicë për këtë rast.