Alexei Navalny është varrosur në varrezat Borisovskoye të Moskës, ka konfirmuar ekipi i tij.

Yulia Navalnaya – e cila nuk ka marrë pjesë në funeralin e burrit të saj pasi ndodhet jashtë Rusisë – falënderoi Navalny për “26 vitet e lumturisë absolute… edhe gjatë tre viteve të fundit”.

Në një mesazh që shoqëronte një video homazhe në X, ajo tha: “Për dashurinë, që më mbështete gjithmonë, që më bëre të qesh edhe nga burgu, për faktin që ke menduar gjithmonë për mua.

Mijëra persona me lule në duar – të rrethuar nga forcat e sigurisë – ia kanë dhënë lamtumirën e fundit kritikut të Kremlinit, Aleksei Navalny, i cili është varrosur të premten në varrezat Borisovskoye në Moskë.

Ai ka vdekur më 16 shkurt në një burg rus në Arktik në rrethana misterioze.

Para varrimit, në Kishën “Ikona e Nënës dhe Zotit”, është mbajtur një ceremoni përkujtimore, në të cilën kanë marrë pjesë edhe prindërit e tij.

Më shumë se 1,000 njerëz janë mbledhur pranë kishës së “Ikonës së Nënës së Zotit”, për t’i thënë nderimet e tyre për Alexei Navalny.

Prindërit Anatoliy and Lyudmila, nuk kanë bërë ndonjë koment publik.

Trupi i Navalnyt i është dorëzuar nënës së tij, Lyudmila më 24 shkurt, më shumë se një javë pas vdekjes së tij prej “shkaqeve natyrore” në një burg në rajonin rus të Arktikut.

Ai ka qenë 47-vjeçar.

E veja e Navalnyt, Yulia, ka thënë thënë se presidenti rus, Vladimir Putin është përgjegjës për vdekje e burrit të saj.

Edhe disa zyrtarë perëndimorë e kanë të njëjtin mendim.

Ai ka qenë duke vuajtur një dënim me burgim prej 19 vjetësh për akuza që ai dhe mbështetësit e tij i kanë konsideruar të motivuara politikisht.