Ali Ahmeti shpallet “Qytetar nderi” i Prizrenit: Lidhja na e ka mbajtur shpirtin gjallë

Kryetari i Bashkimit Demokratik për Integrim, Ali Ahmeti, është shpallur qytetar nderi i Prizrenit, në një ceremoni të Kuvendit të Komunës, me ç'rast tha se Lidhja e Prizrenit e ka mbajtur gjallë shpirtin e shqiptarëve

FOTO:RTK

Kryetari i Bashkimit Demokratik për Integrim, Ali Ahmeti, është shpallur qytetar nderi i Prizrenit, në një ceremoni të Kuvendit të Komunës.

Ahmeti, aktualisht kryetar i BDI-së, u shpreh i nderuar me këtë titull.

Të gjithë folësit në këtë seancë solemne deklaruan se ish-anëtari i Shtabit të Përgjithshëm të UÇK-së dhe ish-lideri politik i Ushtrisë Çlirimtare Kombëtare, për 40 vjet ka qenë në funksion të çështjes kombëtare, fillimisht në Kosovë dhe pastaj edhe në Maqedoninë e Veriut.

Ai me këtë rast tha se Lidhja e Prizrenit e ka mbajtur gjallë shpirtin e shqiptarëve.

“Na e ka mbajtur shpirtin gjallë, sepse na ka mësuar se si të mos dorëzohemi dhe të ndërtojmë program deri në çlirim, sepse vetë Lidhja e Prizrenit ishte një platformë për çlirimin e tokave shqiptare”, ka deklaruar Ahmeti.

E kryetari i Komunës së Prizrenit, Shaqir Totaj, tha se prania e Ali Ahmetit me familjen dhe bashkëpunëtorët e tij e ka nderuar Prizrenin, teksa tha se do të vazhdojnë të nderojnë njerëz të kalibrit të tillë.

Shija e redaktorit

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Rama e quan “hap historik” votimin Pro anëtarësimit të Kosovës...

Kryeministri i Shqipërisë, Edi Rama, e ka konsideruar si hap historik votimin e Asamblesë Parlamentare të Këshillit të Evropës(KiE) që i hap rrugë anëtarësimit...

Kurti: Me Kosovën aty, KiE fiton një demokraci të re...

Kryeministri i Kosovës, Albin Kurti, ka reaguar pasi Asambleja Parlamentare e Këshilli të Evropës ka votuar “për” anëtarësimin e Kosovës në këtë organizatë. Përmes një...

Të fundit nga rubrika