Alibeaj: Pala serbe nuk po synon mbrojtjen e drejtave të popullatës serbe, por një ndarje defacto me bazë etnike të Veriut të Mitrovicës

"Ne i bëjmë thirrje qeverisë serbe të ndalë skenarët e konfliktit e ndarjes me baza etnike në Kosovë duke u kthyer kësisoj në levë të interesave destabilizuese të Putin në Ballkan”, ka bërë thirrje kryetari i Grupit parlamentar të Partisë Demokratike në Kuvendin e Shqipërisë, Enkelejd Alibeaj

Kryetari Grupi Parlamentar të Partisë Demokratike, Enkelejd Alibeaj





Kryetari i Grupit parlamentar të Partisë Demokratike në Kuvendin e Shqipërisë, Enkelejd Alibeaj, ka reaguar për situatën e krijuar në katër komunat veriore të Republikës së Kosovës, ku ka thënë se Partia Demokratike e Shqipërisë është duke i ndjekur me vëmendje të gjitha zhvillimet në në Veri të Mitrovicës.

“Lajmet se goditje me armë ndaj forcave policore të Kosovës, ngritja e barrikadave, kundërshtimi i autoriteteve ligjzbatuese të Kosovës nga elementë të armatosur të organizuar të strukturave paralele serbe, duket se është një skenar i qartë që synon krijimin e një vatre të rrezikshme tensioni. Gjithashtu refuzimi i komunikimit dhe zgjidhjes së situatës me institucionet e ligjshme të Kosovës nga pala serbe duket se synon jo mbrojtën e drejtave të popullatës serbe, por një ndarje defacto me bazë etnike të Veriut të Mitrovicës”, ka thkeshuar Enkelejd Alibeaj.

“Nga ana tjetër, paralajmërimi nga zyrtarë të nivelit të lartë në Beograd se planifikojnë dërgimin e mbi 1000 trupave ushtarake serbe në Kosovë është kërcënim i drejtpërdrejtë i paqes në Ballkan”, ka shtuar ai.

“Ne i bëjmë thirrje qeverisë serbe të ndalë skenarët e konfliktit e ndarjes me baza etnike në Kosovë duke u kthyer kësisoj në levë të interesave destabilizuese të Putin në Ballkan”, ka bërë thirrje ai.

PD-ja ka shprehur mbështetjen e plotë për tejkalimin e situatës së krijuar në veri  të Kosovës këtë duhet ta bëjnë nëpërmjet dialogut që ka për qëllim njohjen reciproke ndërmjet Kosovës dhe Serbisë.

“Ne mbështesim pa asnjë hezitim institucionet legjitime të Kosovës në përpjekjet e zbatimit të ligjit, si dhe të mbrojtjes së sovraniteti dhe integritetit shtetëror të Republikës së Kosovës”, ka theksuar AliBeaj në Facebook.

Ndërkohë ai iu ka bërë thirrje opozitës e pozitës së Kosovës për unitet, si dhe “bashkërendim sa më të ngushtë me partnerë tanë strategjikë SHBA&BE në tejkalimin e kësaj situate”.

Alibeaj ka përfunduar duke thënë se e ardhmja e Kosovës është në BE dhe NATO prandaj “Kosova është e pavarur, e paprekshme”.





Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika