Aliu takon drejtorin e Bankës Botërore, e informon për projektet e ministrisë së tij

"Fillimisht, falënderova z. Demircan për përfaqësimin e Kosovës në Bordin e Bankës Botërore, me theks të veçantë për mbështetjen e finanacimit të projekteve të ndryshme nga ana e Bankës Botërore"

Në kuadër të Konferencës së Bankës Botërore për Tokën, në Uashington, ministri i Infrastrukturës, Liburn Aliu, ka takuar drejtorin ekzekutiv të Bankës Qendrore, Hayerettin Demircan dhe këshilltarin e tij, Hajdar Korbin.

Këtë e ka bërë të ditur vetë Aliu përmes një postimi në Facebook, teksa theksoi se e ka informuar mbi ecuritë e projekteve ekzistuese të financuara nga Banka Botërore.

“Në kuadër të pjesëmarrjes në Konferencën e Bankës Botërore për Tokën, në Uashington, D.C., takova Drejtorin Ekzekutiv të Bankës Botërore z. Hayrettin Demircan dhe z. Hajdar Korbin, Këshilltarin e Drejtorit Ekzekutiv të Bankës Botërore. Fillimisht, falënderova z. Demircan për përfaqësimin e Kosovës në Bordin e Bankës Botërore, me theks të veçantë për mbështetjen e finanacimit të projekteve të ndryshme nga ana e Bankës Botërore. Rrjedhimisht, i informova mbi ecuritë e projekteve ekzistuese të financuara nga Banka Botërore dhe shpalosa prioritetet kryesore të Ministrisë së Mjedisit, Planifikimit Hapësinor dhe Infrastrukturës”, ka shkruar Ali.

Gjithashtu, Aliu i ka shprehu mirënjohjen për kontributin e dhënë gjatë viteve nga Banka Botërore, teksa ia ka nënvizuar prioritet e ministrisë që ai udhëheq.

“Në këtë kontekst, theksova se një prej prioriteteve kryesore të MMPHI-së është rritja e kapaciteteve ujore të Kosovës, gjë që kërkon investime të konsiderueshme, si dhe rreth investimetr tjera që kanë ndikim në mjedis. Për më shumë, bashkëbiseduam për domosdoshmërinë e  modernizimit të infrastrukturës për transport, duke përfshirë këtu edhe linjën hekurudhore Prishtinë-Durrës, që do të mundësonte qasje më të shpejtë e më të favorshme ekonomikisht në korridoret ndërkombëtare.

Njëherit, z. Demircan, i shpreha mirënjohjen time për kontributin e dhënë gjatë gjithë këtyre viteve nga Banka Botërore, dhe u dakorduam për të vijuar më tej me bashkëpunimin e ndërsjellë për projekte specifike, njëherit edhe për mundësitë e reja investuese të karakterit regjional”, ka shtuar Aliu.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika