Pas humbjes 2-1 ndaj Manchester City në Champions League, trajneri i Real Madrid, Xabi Alonso, foli në konferencën për shtyp duke shprehur optimizëm dhe mbështetje për skuadrën.
“Ka qenë një ndeshje shumë e luftuar. Filluam siç dëshironim, por kur nuk je në momentin më të mirë emocional, ata morën epërsinë në 10 minuta me shumë pak përpjekje. Megjithatë, skuadra vazhdoi të përpiqet deri në fund, edhe me të gjitha vështirësitë që kemi – dëmtime dhe lojtarë që japin maksimumin”, tha Alonso.
Ai shtoi “Qëllimi ynë është të jemi më të qëndrueshëm në performancë. Sot kemi pasur përqendrim, ritëm dhe raste, dhe deri në fund lojtarët dhanë gjithçka. Tani duhet të shohim përpara.”
Trajneri gjithashtu lavdëroi Rodrygo-n, “Më pëlqeu paraqitja e Rodrygos, sidomos cilësia e tij individuale dhe goli që shënoi, i cili ishte shumë i rëndësishëm për të.”
Duke folur për ndjeshmërinë e momentit, Alonso tha “A është kjo një pikë kthese? Koha do ta tregojë, emocionet dhe rezultati janë ende shumë të freskët, por jam i bindur se mund ta kthejmë situatën.”