Ambasadori amerikan në Rusi përfundon mandatin, largohet nga Moska

Ambasadori amerikan në Rusi, John Sullivan është larguar nga Moska duke u tërhequr nga shërbimi publik. Ndërkaq, Elizabeth Rood do të marrë detyrat si e Ngarkuar me Punë në Ambasadën e SHBA-së në Moskë derisa të arrijë pasardhësi i ambasadorit Sullivan

Ilustrim

Ambasadori i shteteve të Bahskuara të Amerikës në Rusi, John J. Sullivan, ka përfunduar mandatin e tij si i dërguar i SHBA-së.

Ai është larguar nga Moska, të dielën e katër shtatorit, njofton ambasada amerikane në Rusi.

“Ambasadori i SHBA-së në Federatën Ruse John J. Sullivan ka përfunduar mandatin e tij si i dërguar i SHBA-së dhe është larguar sot nga Moska”, thuhet në njoftim.

Ambasadori Sullivan ishte emëruar në dhjetor 2019 dhe ka shërbyer si ambasador për gati tre vjet.

Pas largimit të tij, ai do të tërhiqet nga një karrierë në shërbimin publik që ka zgjatur katër dekada dhe pesë presidentë amerikanë.

Kjo duke përfshirë shërbimin si Zëvendës Sekretar i Shtetit dhe në pozicione të larta në Departamentin e Drejtësisë, Mbrojtjes dhe Tregtisë.

Ndërkohë, Elizabeth Rood do të marrë detyrat si e Ngarkuar me Punë në Ambasadën e SHBA-së në Moskë derisa të arrijë pasardhësi i ambasadorit Sullivan.

Ndërkaq, në lamtumirën e presidentit të fundit sovjetik, Mikhail Gorbachev, Sullivan përfaqësoi SHBA-të, në Moskë.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika