Ambasadori amerikan viziton Mitrovicën

Ambasadori amerikan, Jeffrey Hovenier ka vizituar Mitrovicën, komunën e parë jashtë Prishtinës dhe thotë se shpreson në aspiratën që Mitrovica të bëhet një vend ku një Kosovë demokratike, multietnike mund dhe duhet të lulëzojë

Ambasadori amerikan në Kosovë, Jeffrey Hovenier ka vizituar një ditë më parë Mitrovicën, duke thënë se Shtetet e Bashkuara të Amerikës (SHBA) janë të përkushtuara ta shohin një qytet demokratik e multietnik.

Hovenier, përmes një postimi në llogarinë e tij në Twitter, shkruan se vizita në Mitrovicë ishte udhëtimi i parë komunal jashtë Prishtinës.

“Udhëtim produktiv dje në Mitrovicë, udhëtimi im i parë komunal jashtë Prishtinës, ku u takova me kryetarët e komunave, Policinë e Kosovës, mediat e aktivistë. Ndërsa shumë fokusohen në rolin e saj të kaluar, unë besoj se Mitrovica është një nga manifestimet më të mira të së ardhmes së Kosovës’’, ka shkruar Hovenier.

‘’Frymëzim për t’u takuar me shoqërinë civile dhe rininë të përkushtuar për ta bërë realitet këtë aspiratë: të sigurohemi që Mitrovica të bëhet një vend në një Kosovë demokratike, multietnike për të gjithë qytetarët. SHBA-të janë të përkushtuara ta shohin këtë të ndodhë”, shkruan ndër të tjerash ambasadori.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika