Ambasadori britanik për vrasjet e fundit të grave: Ka vetëm një fjalë për t’i përshkruar, femicid

"Isha i tronditur dhe i pikëlluar nga vrasjet brutale të dy grave në tre ditë. Ka vetëm një fjalë për ta përshkruar këtë: femicid"

Ambasadori i ri britanik në Kosovë, Jonathan Hargreaves

Ambasadori i Britanisë së Madhe në Kosovë, Jonathan Hargreaves, ka reaguar pas vrasjes së dy grave vend brenda pak ditësh.

Hargreaves ka thënë se femicidi është e vetmja fjalë për t’i përshkruar këto vrasje

“Isha i tronditur dhe i pikëlluar nga vrasjet brutale të dy grave në tre ditë. Ka vetëm një fjalë për ta përshkruar këtë: femicid. Duke folur me miqtë dhe kolegët këtu, ka qenë emocionuese të shihet se sa pikëllim – dhe zemërim – ka në shoqëri”, ka shkruar ambasadori britanik në Facebook.

“Mbretëria e Bashkuar qëndron me familjet e viktimave dhe ne do të vazhdojmë të punojmë me ju nëpër institucionet, shoqërinë civile dhe në biznesin tonë të përditshëm për të trajtuar të gjitha format e dhunës me bazë gjinore, si dhe qëndrimet dhe normat që e mundësojnë atë”, ka shtuar më tej Hargreaves.

Kujtojmë se gjatë së martës një grua 43-vjeçare është vrarë nga bashkëshorti i saj, i cili ishte dënuar më parë për dhunë në familje.

Kurse, 12 prill, një 21-vjeçare u vra brenda zyrës së Qendrës për Punë Sociale në Ferizaj. Për vrasjen e saj është arrestuar ish-bashkëshorti i saj, të cilit autoritetet ia kanë shqiptuar masën e paraburgimit prej një muaji.

E mërkura e 17 prillit është shpallur ditë zie shtetërore në Kosovë nga presidentja, Vjosa Osmani.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika