Ambasadori britanik në Kosovë, Jonathan Hargreaves, ka realizuar një vizitë në komunat veriore të Kosovës, duke përfshirë Zubin Potok, Leposaviqin dhe Mitrovicën veriore. Gjatë kësaj vizite, ai theksoi rëndësinë e dëgjimit të shqetësimeve dhe shpresave të komunitetit serb në Kosovë.
Hargreaves vlerësoi bisedat me banorët lokalë, teksa njoftoi se planifikon të realizojë më shumë vizita në këtë zonë në të ardhmen, për të vazhduar dialogun dhe për të mbështetur mirëkuptimin mes komuniteteve.
“E shijova vizitën time sot në Zubin Potok, Leposaviq dhe Mitrovicën veriore. Është kaq e dobishme për t’i dëgjuar shqetësimet dhe shpresat e komunitetit serb të Kosovës. Presim shumë vizita të tjera në zonë”, shkroi ambasadori në një postim në X.
Enjoyed my visit to Zubin Potok, Leposavic and northern Mitrovica today. So helpful to listen to the concerns and hopes of the Kosovo Serb community. Looking forward to many more visits to the area. pic.twitter.com/2Ah6a3Y406
— Jonathan Hargreaves (@jonhargreaves67) July 23, 2024