Ambasadori i Gjermanisë në Kosovë, Jörn Rohde është i ftuar sot në emisionin FIVE në RTV Dukagjini. Ambasadori Rohde ka folur ndër të tjera për rëndësinë e propozimit të BE-së për normalizim raportesh mes Kosovës dhe Serbisë dhe mundësinë që duhet palët ta shfrytëzojnë në këtë vit që të ecin përpara. “Çka ndodh nëse nuk ka marrëveshje? Sigurisht, të gjithë e dijnë se rruga drejt BE-së do të vazhdojë vetëm nëse ka progres, nëse nuk ka progres nuk ka as rrugë drejt BE-së”, ka thënë ndër të tjera ambasadori gjerman.
Rohde ka folur edhe për propozimin e BE-së në dialog, çështjet që mund i njëjti të zgjidh dhe gjithashtu përpjekjet e të gjitha shteteve kryesore evropiane që të garantojnë progres në këtë rrugë.
Ambasadori i Gjermanisë jep detaje edhe për Asociacionin e Komunave me shumicë serbe dhe përpjekjet e akterëve tjerë që të shtyjnë përpara këtë çështje.
Intervista e plotë me ambasadorin Rohde transmetohet sot në emisionin FIVE në RTV Dukagjini nga ora 17:30.