Ambasadori i Britanisë së Madhe në Kosovë, Nicholas Abbott, ka thënë se aplikimi i Kosovës në Këshill të Evropës është sinjal i mirëpritur.
Sipas tij, me këtë aplikim shteti i Kosovës ka treguar se është i përkushtuar për sundim të ligjit dhe mbrojtje të të drejtave për qytetarët.
“Dëshira e Kosovës për t’iu bashkuar Këshillit të Evropës është një sinjal i mirëpritur i përkushtimit të saj ndaj demokracisë, sundimit të ligjit dhe mbrojtjes së të drejtave të të gjithë qytetarëve të saj”, ka thënë Abbot.
Dëshira e Kosovës për tu anëtarësuar në KE, sipas ambasadorit britanik në Kosovë, është shenjë gatishmërie për të “mbështetur vlerat kyçe evropiane dhe për të çuar më tej integrimin e saj ndërkombëtar”.
Në fund, Abbot i ka uruar suksese shtetit të Kosovës, për anëtarësim në KE.