Ambasadorja e Izraelit në Kosovë, Tamar Ziv, është shprehur mirënjohëse për mbështetjen e palëkundur të Kosovës ndaj Izraelit pas sulmeve tw fundit të ndodhura nga Hamasi në këtë vend.
Sipas saj, mbështetja e Kosovës në këto ditë të vështira ka një rëndësi të madhe për Izraelin.
“Jemi thellësisht mirënjohës për mbështetjen e palëkundur nga miqtë tanë në Kosovë. Mbështetja juaj ka një rëndësi të madhe për ne në këto ditë jashtëzakonisht të errëta dhe të vështira. Ndërsa situata në Izrael vazhdon të zhvillohet, zemrat dhe mendimet tona janë me familjet dhe komunitetet në rajonin jugor”, ka shkruar ajo.
We are deeply grateful for the unwavering support from our friends in Kosovo . Your support holds immense significance to us in these extremely dark and difficult days. As the situation in Israel continues to develop, our hearts and thoughts are with the families and communities… pic.twitter.com/UO7lP3YhRC
— Tammy Ziv 🇮🇱 (@AmbTammyZiv) October 8, 2023
Qeveria izraelite i shpalli zyrtarisht luftë Hamasit të dielën, duke krijuar terrenin për një përgjigje masive kundër grupit militant islamik.
Ndërsa, siç shkruan BBC, më shumë se 600 izraelitë janë vrarë dhe 100 janë rrëmbyer në sulmet nga Gaza që nga e shtuna. Sulmet hakmarrëse ajrore izraelite kanë vrarë të paktën 370 persona në Rripin e Gazës, me 2200 të plagosur.
Kryeministri, Benjamin Netanyahu, pati thënë të shtunën se vendi ishte në luftë – por kjo deklaratë ishte retorike. Kurse, lëvizja e së dielës nga kabineti izraelit është një vendim zyrtar.
Ushtria izraelite më herët ka thënë se synon të evakuojë të gjithë izraelitët që jetojnë afër Rripit të Gazës brenda 24 orëve, përderisa ka dislokuar mijëra luftëtarë për t’u përballur me militantët e Hamasit, që janë infiltruar brenda Izraelit.
Grupi palestinez Hamas nisi një sulm të befasishëm ndaj Izraelit më 7 tetor, gjatë të cilit u vranë afër 500 persona.
Kjo ishte dita më vdekjeprurëse e dhunës në Izrael në 50 vjet.