Ambasadorja gjermane në Beograd: Serbët duhet sa më shpejt të kthehen në institucione, për të ardhur keq që Lista Serbe bojkotoi zgjedhjet
Ambasadorja gjermane në Serbi, Anke Konrad, ka thënë se është për të ardhur keq që Lista Serbe nojkoti zgjedhejt e fundit në veri të Kosovës. Konrad ka theksuar se serbët e Kosovës duhet të kthehen sa më shpejt në institucione. “Serbët e Kosovës, të cilët u larguan nga institucionet e Kosovës në nëntor të vitit […]
Ambasadorja gjermane në Serbi, Anke Konrad, ka thënë se është për të ardhur keq që Lista Serbe nojkoti zgjedhejt e fundit në veri të Kosovës.
Konrad ka theksuar se serbët e Kosovës duhet të kthehen sa më shpejt në institucione.
“Serbët e Kosovës, të cilët u larguan nga institucionet e Kosovës në nëntor të vitit 2022, duhet të kthehen në to sa më shpejt të jetë e mundur. Ky, meqë ra fjala, është edhe një nga obligimet nga Marrëveshja e Brukselit, si dhe obligimi për formimin e Asociacionit të Komunave me shumicë serbe. Dhe po, Asociacioni tani duhet të zbatohet shpejt, ne jemi të vendosur për këtë”, ka thënë Konrad.
Ajo shtoi se Asociacioni i Komunave me shumicë serbe, është “obligim kyç i Kosovës në këtë dialog” dhe se duhet të krijohen parakushte për të pa vonesë, por edhe që Serbia të zbatojë të gjitha obligimet e saj.
“Të dyja palët do të përfitojnë konkretisht nga zbatimi i marrëveshjes, sepse tensionet aktuale janë helm për të ardhmen e njerëzve, për investimet ekonomike dhe vendet e punës dhe pa normalizimin e marrëdhënieve nuk do të ketë anëtarësim në BE”, ka shtuar Konrad.















