Agjencia e Menaxhimit Emergjent pas vërshimeve nga reshjet atmosferike ka thënë se është ngritur niveli i gatishmërisë emergjente.
AME ka thë thënë se i gjithë kapaciteti reagues nga niveli lokal dhe i AME-së është vënë në veprim, ku rrjedhimisht edhe situata aktuale paraqitet si në vijim.
“Mbështetur në të dhënat nga QOE-112 dhe Drejtorit Komunale për Mbrojtje dhe Shpëtim , situata më e renduar paraqitet në rajonin e Dukagjinit, ku kemi dëmi të ndryshme nga vërshimet. Situata është duke u menaxhuar dhe është në monitorim të vazhdueshëm nga Qendrat Operative Emergjente të AME-se”, thuhet në njoftimin e Agjencisë së Menaxhimit Emergjent.
“Të vërshuara nga reshjet atmosferike me intensitet më te ulët, janë edhe regjionet tjera të cilat janë nën menaxhim dhe në monitorim të plotë nga QOE-112”.
Tutje njoftohet se në bazë të vlerësimit të lartcekur dhe në koordinim të ngushtë me Drejtorit komunal përkatëse (Drejtoria për Mbrojtje dhe Shpëtim ), AME-ja ka ngritur nivelin e gatishmërisë duke përfshirë ngritjen e gatishmërisë emergjente të QOE – 112 në tërë Kosovën.
“Në të gjitha NJPZSH, gjithashtu është ngrit shkalla e gatishmërisë, përforcimi me ekipe shtesë të cilat janë dukë u angazhuar në teren sipas gjendjes aktuale dhe vendeve me rrezikshmëri të lartë”.
“Grumbullimi i të të dhënave mbi situatën aktuale, është e përhershme nga qendrat operative të AME-së, analizohen dhe merren vendime si mbas situatës.
Ministria e Punëve të Brendshme do të jetë e informuar rregullisht me qëllim të informimit të gjendjes aktuale, ndërmarrja e masave parandaluese, reagimi në vend të ngjarjes, si dhe eventualisht nevoja e ngritjes së gjendjes së gatishmërisë emergjente në nivel vendi”, thuhet tutje në njoftimin e AME-së.
AME ka theksuar se Qendrat Operative Emergjente janë në gjendje gatishmërie gjatë 24 orëve të ditës.