Më ftese të ministrit të Mbrojtjes së Turqisë, Hulus Akar, ministri i Mbrojtes, Armend Mehaj ka marre pjesë në stërvitjen ushtarake Effes 2022, në të cilën mori pjesë edhe FSK-ja , në krah të 38 forcave të vendeve të tjera të botës.
Nëpërmjet një postimi ne faqen e tij të Facebook Mehaj deklaroi se “ Pjesëmarrja në stërvitje të tilla është në përputhje me bashkëpunimin në fushën ushtarake; trajnimi, përgatitja profesionale e anëtarëve të FSK-së, shëndetësia ushtarake, janë ndër pikat kyçe të bashkëpunimit me Republikën e Turqisë, e po ashtu ishte dhe tema e diskutimit me ministrin Akar”
Ministri Mehaj, falënderoi ministrin Akar për mundësinë e dhënë si dhe mbështetjen e vazhdueshëm në zhvillimin e Ministrisë së Mbrojtjes dhe FSK-së.
Gjithashtu edhe ministri turk Akar ritheksoi gatishmërinë për vazhdimin e mbështetjes së pakursyer të Turqisë karshi Kosovës.
