Analistët: Dështimi i planit të sekuencimit e dërgoi dialogun në vdekje klinike

Mungesa e rezultateve dhe e takimeve të nivelit të lartë në procesin e dialogut, sipas analistëve, nuk vjen vetëm për shkak të zgjedhjeve në BE dhe SHBA, por edhe për shkak të dështimit të zbatimit të marrëveshjes bazike mes Kosovës dhe Serbisë. Sipas tyre, figurativisht për mbi një vit, më shumë me fajin e ndërmjetësuesve, procesi i dialogut është sjellë “në vdekje klinike”

Kryeministri i Kosovës Albin Kurti, në anën e djathtë dhe presidenti serb, Aleksandar Vuçiq, në anën e majtë, Josep Borel, Përfaqësuesi i Lartë i BE-së për Politikë të Jashtme dhe Siguri dhe Miroslav Lajçak, Përfaqësues Special i BE-së për Dialog, në Bruksel

Brukseli është adresa dhe rruga e vetme për zgjidhjen e problemeve mes Kosovës dhe Serbisë, sipas ambasadorit amerikan në Serbi, Christopher Hill.

Me këtë qëndrim pajtohen edhe palët në dialog, por në kryeqendrën evropiane, pas sulmit terrorist serb në Banjskë, nuk është mbajtur më asnjë takim i nivelit të lartë.

Për herë të fundit kryeministri i Kosovës, Albin Kurti dhe presidenti i Serbisë, Aleksandër Vuçiq janë takuar më 10 shtator të vitit 2023.

Mungesa e takimeve, sipas vëzhguesve të procesit të dialogut vjen për shkak të paaftësisë së ndërmjetësuesve.

“Nga shtatori i vitit të kaluar ku është shtrirë në spital përfundimisht dialogu, ka ndodhur kur ka dështuar plani i sekuencimit. Nëse shtylla kryesore e dialogut ka qenë marrëveshja e Brukselit respektivisht Ohrit, ndërkaq ndërmjetësit nuk kanë qenë të zotët me e sekuencu mënyrën se si zbatohet kjo marrëveshje edhe dialogu e ka humbur kuptimin e vet të paktën në këtë periudhën e fundit”, ka deklaruar analisti, Dibran Hoxha.

Hoxha thotë se në qendër të dialogut duhet të jetë marrëveshja bazë, ndërsa pasardhësin e emisarit Miroslav Lajçak e këshillon që të mos e ndjekë strategjinë e sllovakut.

Në anën tjetër ish-ambasadori i Kosovës në Gjermani, Blerim Canaj, thotë se ka qenë e ditur se gjatë verës do të bllokohet procesi i dialogut.

“Do të kemi një status-quo ashtu, në këtë periudhë dhe do t’i kemi deklaratat e famshme me të cilat tentohet të futet Kosova në presion për implementimin e marrëveshjeve, por jo vetëm Kosova, por edhe Serbia njëjtë”, ka deklaruar Canaj.

Ish-diplomati thotë se për mungesën e sukseseve, fajin e mban Bashkimi Evropian, përfshirë Josep Borellin dhe Miroslav Lajçakun. Për pasardhësin e sllovakut Canaj thotë se duhet të ketë qasje tjetër nëse dëshiron të korrë suksese.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika