Kryeministrja e Suedisë, Magdalena Andersson, ka thënë që nevojat e sigurisë së Suedisë janë më së miri të plotësuara atëherë kur të antarësohet në NATO, shkruan “Reuters“.
Të dielën, partia e saj është pajtuar të bashkangjitet me aleancën e udhëhequr nga SHBA-ja pas pushtimit rus të Ukrainës.
“Gjëja më e mirë për sigurinë e Suedisë dhe popullit suedez është anëtarësimi në NATO”, ka thënë Andersson në një konferencë shtypi.
“Ne besojmë se Suedia ka nevojë për garancitë formale të sigurisë që vijnë nga anëtarësimi në NATO”, ka thënë ajo.
Magdalena Andersson është kryeministrja e parë femër e Suedisë.