Anët pozitive dhe negative nga shtimi i trupave të KFOR-it në Kosovë

Brenda dy javësh, KFOR-it në Kosovë do t’i shtohen edhe 700 trupa, si dhe një batalion tjetër rezervë do të qëndroj në gjendje gatishmërie. I gjithë ky mobilizim po vie pas tensioneve në veri. Njohësit e çështjeve të sigurisë vlerësojnë se nga ky vendim i NATO-s, ka aspekte pozitive dhe negative

Ky ballafaqim i dhunshëm me një grup të serbëve të mbledhur para komunës së Zveçanit, ka bërë që NATO të marrë një vendim të rëndësishëm për misionin e saj paqeruajtës në Kosovë, KFOR.

700 trupa do t’i shtohen KFOR-it brenda dy javësh, si dhe një batalion tjetër rezervë do të qëndroj në gjendje gatishmërie.

E gjithë kjo, sipas ekspertit të sigurisë, Nuredin Ibishi, po ndodhë për një qëllim.

“Në aspektin e rreziqeve të brendshme, por edhe nga jashtë, për çdo rast KFOR-i e ka parasysh dhe i bën vlerësimet e veta me qëllim që të ketë forcat e respektueshme në teren dhe të kryej mandatin ashtu siç është e paraparë edhe me rezolutë, por edhe me planet operative të vetat”, ka thënë Nuredin Ibishi – Ekspert i sigurisë.

Nga ky shtim i forcave, Mentor Vrajolli nga QKSS, vlerëson se megjithatë ekziston një rrezik.

“Shpresojmë që ky shtim i pjesëtarëve të KFOR-it është bërë me qëllim të krijimit të një sinergjie me Policinë e Kosovës dhe assesi që të bëhet në dëm të shtrirjes së rendit dhe ligjit në Kosovë siç ka ndodhur deri më 2007 – 2008, kur pjesëtarët e KFOR-it kanë pamundësuar integrimin e pjesës veriore në pjesën e Kosovës”, ka thënë Mentor Vrajolli – QKSS.

 Reagimi ndërkombëtareve në kundërshtim të Kosovës sipas Vrajollit, mund të ketë ndodhur edhe për shkak të një bashkëpunimi të Serbisë me Perëndimin, që u raportua pas rrjedhjes së disa dokumenteve sekrete nga Pentagoni.

“Kjo mbase mund të ndërlidhet me këto rrjedhjet dokumenteve të inteligjencës që ndodhën muajt e kaluar, në muajin prill, ku u raportua se Serbia kishte pranuar që të dërgoj armë në Ukrainë dhe nëse ky skenar është arsyeja e këtij qëndrimi, atëherë mbase ne duhet të rishikojmë mënyrën se si e trajtojmë vetveten, duke e ditur faktin se tani Kosova ballafaqohet edhe me një prioritet tjetër të Bashkimit Evropian dhe të Perëndimit”, shtoi Vrajolli.

Në të dhënat e fundit të publikuara në gusht të vitit 2022, KFOR-i ka 3 mijë e 735 trupa në Kosovë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika