Anglia ka siguruar kualifikimin në fazën 1/8 të finales së Kupës së Botës pas fitores 2:1 ndaj Kongos, në një ndeshje ku u desh përmbysje dhe vendosmëri deri në fund.

Kongo kaloi e para në epërsi në pjesën e parë, duke befasuar anglezët, të cilët pavarësisht dominimit nuk arritën ta gjenin rrugën e golit para pushimit.

Në pjesën e dytë, Anglia reagoi fuqishëm. Harry Kane barazoi rezultatin në minutën e 75-të pas një asistimi të Anthony Gordon.

Sulmuesi anglez u shfaq sërish vendimtar në fund, duke shënuar edhe golin e fitores në minutën e 86-të, këtë herë me kokë, pas një tjetër aksioni të mirë ofensiv.

Me këtë përmbysje, Anglia shmang çdo surprizë dhe siguron kualifikimin, ndërsa Kongo i jep fund rrugëtimit të saj në turne.