Viti 2023, me shumë gjasë do të përfundojë pa një kryeshef në ndërmarrjen Trepça.
Kjo pasi që konkursi për këtë pozitë, i hapur deri të mërkurën, është anuluar.
“Për shkak se nuk ka pasur një proces konkurrues, dhe nuk është plotësuar kriteri që së paku 4 kandidatë të i plotësojnë kushtet dhe kriteret për pozitën përkatëse dhe kjo çështje është paraparë me Kodin e Etikës dhe Qeverisë Korporative për Ndërmarrje Publike”, thuhet në vendimin e Bordit të përkohshëm mbikqyrës të “Trepçës”.
Dukagjini ka kuptuar se në garë për këtë pozitë, kanë qenë mbi dhjetë kandidatë, në mesin e tyre edhe ish-drejtor të flotacioneve në ndërrmarje.
Njëri prej kandidatëve, ishte edhe edhe Burim Istrefi, që pas publikimit të vendimit për anulim, ka ngritur dyshime për procesin.
Në reagimin e tij, karshi vendimit për anulim, Istrefi ngrit disa dyhsime.
“Po e nis këte shkrim me këte shprehje sepse vërtet duhet të jeni shum ME FAT për faktin se kush po ju prin proceseve të cilat kanë të bëjne me fatin e juaj.! Arsyja e anulimit të këti konkursi mund të jetë valid sipas asaj që është thene në këte vendim, vend dhe hapsir për manipulim ka sa të duash për faktin se shumica e kandidatve janë njerëz të fushave përkatse dhe nga 13 kandidat mos ti plotsojn kushtet se paku 3 prej tyre është e habitshme edhe me e habitshme është fakti se nuk i është bëre me dije secilit kandidat veq e veq se a i ka plotesuar kriteret e kërkuara a po jo.! Politizimi i Trepçes nuk ka qenë asnjeher në shkalle më te lartë se tani dhe për fatin e saj nuk kan vendos kurr njerëz më Jo-profesionist, prandaj pritjet për me mirë jan mashtrim qe ja bejm vetës.!”, ka thënë Burim Istrefi, kandidat për pozitën e Kryeshefit.
Pritje pozitive nga ky proces, nuk kanë pasur as sindikalistët e Trepçës.
“Qe nga fillimi kemi dyshu, që nga vendimi për pagat e kemi parë që nuk po rrespektohet kjo marrëveshje dhe problem më i madh është që pasojat po i bartë vet “Trepça” e minatorët”, ka thënë Ibrahim Jonuzi nga Sindikata e Minatorëve të “Trepçës”.
Hapja e konkursit për kryeshef, ishte një prej pikave të marrëveshjes që i dha fund grevës së minatorëve.
Ndërsa ndër pikat e tjera, ka qenë edhe realizimi i pagave jo më larg se data 10 e secilit muaj, për çka minatorët janë ende duke pritur.