Apple ka zbuluar një logo të re dhe enigmatike për ngjarjen e prezantimit të iPhone 17, e cila do të mbahet më 9 shtator.
Kur përdoruesit tërheqin gishtin ose kursorin mbi të, logoja ndryshon ngjyrë, duke krijuar efektin sikur të shihej përmes një kamere termike.
Ky detaj ka nxitur spekulime mes fansave, të cilët mendojnë se kompania po paralajmëron ngjyra të reja për modelet e ardhshme të iPhone.
Të tjerë sugjerojnë se mund të bëhet fjalë për një sistem të avancuar ftohjeje, i cili do të përmirësojë efikasitetin dhe shpejtësinë e pajisjeve.
Ngjarja, e titulluar “Awe Dropping”, ka hapur shumë dilema rreth surprizave që priten. Apple nuk ka dhënë ende asnjë detaj zyrtar, duke e shtuar edhe më shumë pritjen dhe kureshtjen për lançimin.