Kryetari i Gjakovës, Ardian Gjini, pritet të jetë kandidat nga radhët e Aleancës për Ardhmërinë e Kosovës për kryeministër të vendit në zgjedhjet e parakohshme.

Kandidatura e tij pritet të formalizohet në Këshillin e Përgjithshëm të AAK-së, njofton Dukagjini.

Këtë për Dukagjinin e konfirmoi edhe zëdhënësi i AAK-së, Kushtrim Xhemaili.

Xhemaili, mes tjerash, bëri të ditur se brenda AAK-së ka pajtueshmëri për kandidaturën e Gjinit.

“Aleanca është në proces të brendshëm zgjedhor, i cili pritet të përfundoj më 24 maj kur do të mbahet edhe Kuvendi i Përgjithshëm zgjedhor. Sa i përket çështjes së kandidatit për kryeministër nga Aleanca, brenda strukturave të partisë ka dakordancë që Ardian Gjini të jetë kandidat i yni për kryeminister, por kjo pritet të formalizohet në Këshillin e Përgjithshëm të Aleancës”, tha Xhemaili.