Kryetari i Preshevës, Shqiprim Arifi, ka njoftuar se ka pranuar një ftesë nga gjykata e Serbisë për vendosjen e flamurit kombëtar shqiptar në hapësirë publike.
Nëpërmjet një postimi në rrjetin social, Facebook, ai ka theksuar se ftesa është bërë me arsyetimin se kanë shkelur ligjet e shtetit të Serbisë.
Por, ai ka shtuar se kjo është dëshmi më shumë për shkeljet dhe diskriminimin që Serbia ia bën shqiptarëve të Luginës.
“Sot kam pranuar një ftesë për paraqitje në Gjykatën e Serbisë, me arsyetimin se kemi shkelur ligjet e këtij shteti për faktin e vendosjes së flamurit kombëtar shqiptar në hapësirë publike. Kjo ftesë dëshmon edhe më shumë shkeljet dhe diskriminimin që Serbia ia bën shqiptarëve të Luginës, por për flamur do të paguajmë gjithmonë”, ka shkruar Arifi në Facebook.