Është vetëm 17-vjeçar, por në Bayern Munich e konsiderojnë si futbollist me potencial të madh.
Futbollisti me prejardhje nga Kosova, Arijon Ibrahimovic e ka vazhduar kontratën me kampionët e Gjermanisë.
Mesfushori i talentuar ka nënshkruar kontratë deri në vitin 2025.
Pas këtij hapi të madh në karrierë, Arijoni u shpreh tejet i lumtur.
“Jam krenar dhe falënderues ndaj klubit. Është një ëndërr e realizuar për mua. Po shikoj drejt hapave të ardhshëm te Bayerni”, tha ai.
Arijoni ishte bashkuar me bavarezët në qershor të vitit 2018, teksa paraprakisht ka qenë pjesë e akademisë së Nuermbergut.
Në sezonin aktual, ai është autor i 13-të golavre dhe katër asistimeve në 14 ndeshje të zhvilluara me grumposhat U-19 të Bayernit, teksa të premten shënoi gol me skuadrën e parë – në miqësoren ndaj ekipit austriak, Salzburg.