Arkivoli i Mbretereshës Elizabeth II të dielën e 11 shtatorit do të largohet nga shtëpia skoceze e familjes mbretërore në Balmoral për në Edinburg, ku do të qëndrojë deri të hënën pasdite të 19 shtatorit.

Mbreti Charles III, tashmë i shpallur zyrtarisht si monarku i ri i Britanisë, do të mbajë takime në Pallatin Buckingham të dielën dhe do të vizitojë Parlamentin e Mbretërisë së Bashkuar të hënën.

“Unë jam thellësisht i vetëdijshëm për këtë trashëgimi të madhe dhe për detyrat dhe përgjegjësitë e rënda të sovranitetit që më kanë kaluar tani”.

“Unë do të përpiqem të ndjek shembullin frymëzues që më kanë dhënë”, ka thënë Charles në ceremoninë zyrtare të shpalljes.

Arkivoli i mbretëreshës do të dërgohet në Londër të martën e 20 shtatorit, njofton washingtonpost.

Ndërkaq, presidenti i SHBA-së, Joe Biden, ka thënë se planifikon të marrë pjesë.

Mbretëresha mbretëroi për 70 vjet, duke shërbyer si një fener stabiliteti në një kohë të trazuar. Vdekja e saj ka shkaktuar një pikëllim të madh në Britani.

Ajo vdiq në Rezidencën Mbretërore, Balmoral, shtëpinë e saj të dashur verore në malësitë skoceze.