“Armend Muja mund të paditet për bllokimin e Projektligjit për Trustin”

Organizatorët e mbledhjes së nënshkrimeve për Projektligjin e tërheqjes së 30 për qind të mjeteve të Trustit Pensional, mund ta padisin kryetarin e Komisionit për Buxhet, Armend Muja për shkak se sipas deputetit të PDK-së, Bekim Haxhiu, është shkelur rregullorja e punës së Kuvendit të Kosovës që siç thotë ai është e barabartë me shkeljen e Kushtetutës së Kosovës





Mbi 21 mijë qytetarë kanë nënshkruar peticionin për tërheqjen e 30 për qind të mjeteve të Trustit Pensional.

Para se të shqyrtohet, projektligji për lejimin e tërheqjes së 30 për qind të mjeteve nga Trusti iu është dorëzuar deputetëve të Kuvendit të Kosovës.

I njëjti, duhet që të diskutohet në Komisionin për Buxhet, Punë dhe Transfere, brenda dy deri në katër javë. Afati për trajtimin e tij përfundon të enjten.

Për këtë, deputeti i Partisë Demokratike të Kosovës, Bekim Haxhiu, e ka fajësuar kryetarin e këtij komisioni, Armend Muja.

Sipas Haxhiut, Muja po e shkel rregulloren e punës së Kuvendit të Kosovës.

Për këtë shkak, sipas Haxhiut, organizatorët e mbledhjes së nënshkrimeve, pas datës 24 mund ta padisin Mujën.

Haxhiu në një prononcim për Portali Dukagjini, ka theksuar se shkelja e rregullores së punës së kuvendit është e barabartë me shkeljen e Kushtetutës së Kosovës.

“Projektligjin për Trustin e ka bllokuar Komisioni për Buxhet dhe Financa, kryetari i komisionit Armend Muja. Ai po e shkel rregulloren e punës së Kuvendit të Kosovës, shkelja rregullores së punës së kuvendit është e barabartë me shkelje të Kushtetutës së Kosovës sepse dy këto akte juridike votohen me 2/3 të deputetëve dhe është shkelje e vullnetit të qytetarëve të Kosovës të cilët kanë siguruar 21 mijë e 398 nënshkrime, por duket që Armend Muja mendon se është më i madh se të gjithë qytetarët e Republikës së Kosovës dhe nuk i trajton kërkesat e tyre. Është lajmëruar nga iniciatorët e mbledhjes së nënshkrimeve që pas datës 24 edhe mund ta padisin Mujën”, ka thënë Haxhiu.

Ndryshe, më 23 qershor, Kuvendi i Kosovës nuk e ka miratuar nismën e Partisë Demokratike të Kosovës për tërheqjen e kursimeve nga Trusti Pensional.

Me 44 vota për, 57 kundër dhe vetëm një abstenim projektligji për Trustin nuk i ka marrë votat e mjaftueshme për miratim në lexim të parë nga deputetët e Kuvendit të Kosovës.

Për këtë temë u zhvillua debat i gjerë, me akuza e kundërakuza në mes të përfaqësuesve të pozitës dhe opozitës.

Kategorikisht, kundër këtij projektligji është shfaqur kryeministri i Kosovës, Albin Kurti, i cili ka thënë se një veprim i tillë do ta dëmtonte të ardhmen e qytetarëve të Kosovës.

Ndërsa sipas opozitës, kërkesa për tërheqjen e mjeteve nga Trusti është kërkesë e qytetarëve dhe jo e tyre.





Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Zotëria i parë i Kosovës për Vuçiqin: Ish-Ministri i “kasapit...

  Zotëria i parë i Kosovës, Prindon Sadriu ka shpërndarë një lajm në rrjetin e tij social Facebook, ku presidentin e Serbisë, Aleksandar Vuçiq e...

Serbia gjobitet nga FIFA për Kosovën

Federata e Futbollit të Serbisë është gjobitur nga FIFA të mërkurën për deklarata politike të  bëra në kuadër të Kupës së Botës që po...

Të fundit nga rubrika