Deputeti i Lidhjes Demokratike të Kosovës (LDK), ka paraqitur propozimin e Projektligjit për shëndetësi, i cili sipas tij përbëhet nga 128 nene dhe është vital për qytetarët e Kosovës.
Ish ministri i Shëndetësisë në Qeverinë Hoti, ka thënë se në këtë Projektligj, kanë punuar ekspertë të ndryshum të fushës, dhe se përmes tij synohet avancimi i shërbimeve shëndetësore.
Përvec nënshkrimit të tij, Zemaj bëri të ditur se edhe deputetë të tjerë kanë dhënë nënshkrimet e tyre.
“Në këtë projektligj kanë punuar shumë ekspert të fushës. Rregullon procesin edukativ arsimor dhe përcakton profile të profesionistëve. Avancon shërbimin shëndetësor. Ky ligj ka 128 nene dhe do të jetë lehte i zbatueshëm. Ne kemi nevojë për ligj të ri. Ligji për sigurime shëndetësore dhe kemi atëherë edhe një pasqyrë dhe derivon nga pakoja financiare”, ka deklaruar Zemaj.
Zemaj, ripërsëriti edhe njëherë qëndrimin e LDK-së, për t’ia mundësuar qytetarëve tërheqjen e një pjese të kursimeve të tyre pensionale.
Ai tha se janë pro që të mundësohet tërheqja e mjeteve nga Trusti Pensional i Kosovës, porse sipas tij duhet të krijohet një ekspertizë e cila do të tregonte mënyrën se si do të behej kjo.
“Po jemi në përkrahje, për tërheqjen e një pjese të kursimeve, format, mënyrat dhe pragu do duhej të ishin temë e një ekspertize e cila e lehtëson tërheqjen e tyre por nuk e dëmton pjesën burimore të trustit dhe të ardhmen e gjithë atyre që përfitojnë dhe kursjenë nga këto kursime që janë personale”, ka thënë Zemaj.
Sipas deputetit të LDK-së, kjo do t’i ndihmonte qytetarët ta kalonin më lehtë krizën e ngritjes së çmimeve.