Armenia raporton për dy ushtarë të vrarë nga forcat azerbajxhanase

Më 13 shkurt, Armenia dhe Azerbajxhani akuzuan njëri-tjetrin për hapjen e zjarrit në kufirin midis tyre. Jerevani njoftoi se dy ushtarë u vranë nga forcat azerbajxhanase në rajonin jugor të Siunikut

Një ushtare etnike armene në Nagorno-Karabak. Fotografi nga arkivi.

Armenia dhe Azerbajxhani akuzuan njëri-tjetrin më 13 shkurt se hapën zjarr në kufirin në mes të dy shteteve, përderisa Jerevani tha se dy ushtarë u vranë nga forcat azerbajxhanase në rajonin jugor të Siunikut.

Jerevani dhe Bakuja kanë zhvilluar dy luftëra – në vitet ’90 dhe më 2020 – mbi rajonin e shkëputur të Nagorno-Karabakut, që forcat azerbajxhanase e rimorën gjatë një ofensive të shkurtër vitin e kaluar.

“Njësitë e forcave të armatosura azerbajxhanase hapën zjarr me armë të vogla drejt pozicioneve luftuese armene afër fshatit Nerkin Hand”, tha Ministria e Mbrojtjes së Armenisë përmes një deklarate.

Në njoftim u tha se dy ushtarë u vranë dhe disa të tjerë u plagosën.

Ministria e Mbrojtjes e Azerbajxhanit tha se trupat armene hapën zjarr dy herë në orët e vona të së hënës në fshatin Kokanabi, në rajonin verilindor të Tovuzit.

Armenia hodhi poshtë këto pretendime, shkruan REL.

Pas ofensivës së vitit të kaluar të Azerbajxhanit, nga Nagorno-Karabaku, i banuar pothuajse krejtësisht nga armenët etnikë, u larguan mbi 100.000 persona për në Armeni, duke nxitur një krizë të refugjatëve.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika