Policia e Kosovës ka arrestuar dy persona, që dyshohen për dhunimin e 23-vjeçares me ngecje mentale në Pejë, e cila është shtetase e Shqipërisë.
Këtë e ka konfirmuar për Dukagjinin, zëdhënësi i Prokurorisë Themelore në Pejë, Shkodran Nikçi.
“Arrestohen dy persona si të dyshuar për dhunimin e vajzës në Pejë. Seksuestrohet edhe një veturë”, ka thënë Nikçi.
23-vjeçarja, që fillimisht ishte raportuar e zhdukur nga Shqipëria në Kosovë ka ardhur e pashoqëruar. Marrja në pyetje e saj ka qenë problematike, pasi e njëjta kishte ngecje mentale dhe ngecje në të folur.
Dukagjini merr vesh se në pamjet e kamerave që hetuesia ka siguruar, vajza shihej duke lëvizur e vetme, dhe po e vetme ka arritur edhe në Kosovë.
Për dhunimin e saj është zbuluar tek pas ekzaminimeve, pasi ajo ka pasur dhimbje të mëdha, por edhe të pashpjegueshme nga ana e saj për shkak të shëndetit mendor.
Se viktima është shtetase e Shqipërisë e kanë konfirmuar edhe në Prokurorinë Themelore në Pejë.
Para dy javësh, viktime e dhunimit seksual në Pejë ishte një vajzë e mitur, 15-vjeçare.