Policia e Kosovës ka njoftuar se ka arrestuar dy persona si të dyshuar për sulm ndaj personit zyrtar, ku njërin në Prishtinë e tjetri në Gjilan.
Në raportin ditor të PK-së thuhet se rasti në kryeqytet ka ndodhur pasi i dyshuari nuk i ka zbatuar urdhërat e zyrtarit policor për t’u ndaluar në lëvizje mbrapa me veturë kur edhe e ka goditur policin dhe biçikletën e tij.
“ Është arrestuar i dyshuari mashkull kosovar, për shkak se pasi nuk ka zbatuar urdhrat e zyrtarit policor për t’u ndaluar në lëvizje mbrapa me veturë e ka goditur zyrtarin policor si dhe biçikletën e zyrtarit policor. Zyrtari policor ka pranuar trajtim mjekësor, ndërsa i dyshuari me vendim të prokurorit është dërguar në mbajtje”, thuhet në raport.
Tutje, i arrestuar në Gjilan ka sulmuar fizikisht zyrtarët policorë, ku viktima ka pranuar edhe tretman mjekësor.
“Është arrestuar i dyshuari mashkull kosovar, pasi i njëjti ka penguar zyrtarët policorë gjatë detyrës duke i sulmuar fizikisht. Viktima ka pranuar tretman mjekësor. I dyshuari me vendim të prokurorit është dërguar në mbajtje”, thuhet në raport