Policia e Kosovës ka arrestuar dy persona në Gjakovë nën dyshimin se kanë sulmuar fizikisht një zyrtar policor.
Kjo pasi policia të martën në rrugën “Martirët e Kombit” gjatë kontrollit kishte ndaluar një veturë me targa vendore, ku shoferi nuk kishte respektuar urdhrin e policisë dhe pastaj së bashku me një person kishin sulmuar njërin prej zyrtarëve policorë.
Pas intervistimit me urdhër të prokurorit, të dyshuarit janë arrestuar dhe dërguar në mbajtje.
“Rr. Martirët e kombit, Gjakovë 18.04.2023-09:25. Përderisa njësiti policor ne pikë kontrolli kanë ndaluar veturën me targa vendore me drejtues mashkull kosovar i cili duke mos i respektuar urdhërat e zyrtarëve policor në bashkëveprim me të dyshuarin tjetër mashkull kosovar e kanë sulmuar fizikisht njërin prej zyrtarëve. Pas intervistimit me urdhër të prokurorit të dyshuarit janë arrestuar dhe dërguar në mbajtje”, thuhet në raportin 24-orësh.