Dy persona janë arrestuar në pikën kufitare në Merdare, nën dyshimin se kanë kaluar në mënyrë të paautorizuar vijën kufitare nga territori i Serbisë në territorin e Republikës së Kosovës.

Rasti është raportuar më 19 shtator 2026, rreth orës 21:10.

Sipas Policisë së Kosovës, të dyshuarit janë dy meshkuj, njëri shtetas i Serbisë dhe tjetri shtetas i Republikës së Kosovës.

“Janë ndaluar dhe arrestuar dy të dyshuar meshkuj, njëri shtetas i Serbisë dhe tjetri shtetas i Republikës së Kosovës, të cilët dyshohet se ilegalisht kanë hyrë nga territori i Serbisë në territorin e Republikës së Kosovës”, thuhet në raportin policor.

Pas intervistimit, me urdhër të prokurorit, të dyshuarit janë dërguar në mbajtje.

Rasti është duke u hetuar nga organet kompetente.