Më datë 19.03.2024, në rrugën Dëshmorët e Kombit në Vushtrri, dy persona kanë sulmuar dhe kanosur dy persona zyrtar.
Shkak i sulmit dhe kanosjes ka qenë mosmarrëveshja në trafik.
“Janë arrestuar dy të dyshuarit meshkuj kosovarë pasi që të njëjtit pas një mosmarrëveshje në trafik kishin sulmuar fizikisht dhe kanosur dy viktimat meshkuj kosovarë”, thuhet në raportin e Policisë.
Sipas raportit, viktimat kanë pranuar tretman mjekësor, ndërsa të dyshuarit pas intervistimit me vendim të prokurorit janë dërguar në mbajtje.