Policia e Kosovës, i ka arrestuar dy persona nën dyshimet për falsifikim të parave. Në njoftim thuhet, se në automjetet e tyre, janë gjetur 1704 euro monedha metalike nga dy euro, të cilat dyshohen se janë të falsifikuara.

Ata janë ndaluar në rrugën magjistrale Prizren-Vërmicë ku janë kontrolluar dy automjete, me të cilat dyshohej se po bëhej shpërndarja e parasë së falsifikuar.

“Pas kontrollit të automjeteve, në automjetin e parë janë gjetur:

  • Monedha në sasi prej 850 x 2 = 1700 euro.

Ndërsa ne automjetin e dytë janë gjetur:

  • Monedha në sasi prej 2 X 2=4 4uro
  • Një kallëp metalik rrethor i zbrazët i monedhës metalike dy euro (shabllon),
  • Pesë copa te vogla metalike rrethore të monedhës dy euro (shabllone) dhe
  • Katër telefona mobil”, thuhet në njoftim.

No photo description available.

Me urdhër të prokurorit janë kontrolluar dy shtëpi, pronë e të dyshuarve: B.D. dhe T.K., të njëjtit janë intervistuar në prezencë të avokatëve mbrojtës.  Të dyshuarit me aktvendim të prokurorit janë ndaluar për 48 orë.