Policia e Kosovës ka njoftuar se janë arrestuar dy femra kosovare gjatë ditës së mërkurë në Mitrovicën e Jugut, për shkak se, derisa ishin në stacion policor rreth një mosmarrëveshjeje, kanë sulmuar fizikisht dy zyrtare policore.
Sipas raportit 24-orësh të Policisë së Kosovës, thuhet se zyrtaret policore kanë pranuar trajtim mjekësor.
Ndërsa të dyshuarat pas intervistimit, me vendim të prokurorit, njëra është liruar në procedurë të rregullt, ndërsa e dyshuara tjetër është dërguar në mbajtje.
“Dy femra kosovare janë arrestuar për shkak se derisa ishin në stacion policor rreth një mosmarrëveshje kanë sulmuar fizikisht dy zyrtare policore duke ju shkaktuar lëndime të lehta trupore. Të lënduarat kanë pranuar trajtim mjekësor, ndërsa të dyshuarat pas intervistimit, me vendim të prokurorit, njëra është liruar në procedurë të rregullt, ndërsa e dyshuara tjetër është dërguar në mbajtje”, thuhet në raport.