Arrestohen dy të dyshuarat për keqtrajtimin e së moshuarës në Pejë

Policia e Kosovës ka njoftuar se në lidhje me rastin e keqtrajtimit të së moshuarës në shtëpinë e pleqve në Pejë është arrestuar e dyshuara e cila shihet në video duke e rrahur. Po ashtu, është arrestuar edhe përgjegjësja kryesore e shtëpisë së pleqve "Orenda" në Pejë për shkak të mosraportimit të këtij rasti. RTV Dukagjini ka kontaktuar me këtë Qendër, ku infermierja kryesore nuk ka mohuar se e njëjta është xhiruar aty, duke thënë vetëm se menaxheri do të japë sqarime më vonë

Pamje nga videoja, në të cilën e moshuara rrihet nga punëtoret në Shtëpinë e të Moshuarve në Pejë

Zëdhënësi i Policisë në Pejë, Fadil Gashi për Portalin Dukagjini ka konfirmuar se janë arrestuar dy të dyshuarat në lidhje me rastin e keqtrajtimit të së moshuarës në shtëpinë e pleqve në Pejë.

Ai ka bërë të ditur se është arrestuar e dyshuara e cila shihet në video duke e keqtrajtuar të moshuarën si dhe përgjegjësja kryesore e shtëpisë së pleqve në Pejë si e dyshuar për mosraportim të rastit.

Punëtoret e Qendrës për të Moshuar në Pejë “Orenda”,  kanë rrahur fizikisht një të moshuar.

RTV Dukagjini ka kontaktuar me këtë Qendër, ku infermierja kryesore nuk ka mohuar se e njëjta është xhiruar aty, duke thënë vetëm se menaxheri do të japë sqarime më vonë.

Në videon që po qarkullon në rrjete sociale shihet se si një nga punonjëset e sulmon një grua të moshuar duke e goditur me shuplaka dhe shqelma.

Ndërkaq, për këtë rast është kontaktuar edhe Policia e Kosovës, por që deri në publikimin e lajmit nuk ka dhënë ndonjë informacion.

Ndërsa, zëdhënësi i Prokurorisë Themelore në Pejë, Shkodran Nikçi ka thënë se janë duke e verifikuar rastin dhe duke u marrë me të.

“Nuk mund te konfirmoj ende se është arrestuar dikush, por vetëm se kryeprokurori tashmë ka angazhuar 2 prokurorë të cilët bashkë me njësitë policore janë në vendngjarje ku mendohet se është incizuar video qe ka dalë në media”.

 

Rrihet një e moshuar nga punëtoret në një shtëpi të të moshuarve në Pejë (VIDEO)

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika