Policia e Kosovës(PK) ka njoftuar se të hënën(sot) e 28 nëntorit, njësitë policore të stacionit në Lipjan i kanë arrestuar gjashtë persona për vjedhje.
Sipas PK-së, personat e arrestuar dyshohet se një ditë më parë kishin kryer një vjedhje e cila konsiderohet të kapë vlerën e 150 mijë eurove, përcjell Portali Dukagjini.
Rasti ka ndodhë në Janjevë, saktësisht në një objekt (punëtori), ku të vjedhura janë raportuar gjësende që arrijnë vlerën rreth 150 mijë euro.
“Pjesë të makinave për përpunimin e plastikës, mjete të ndryshme të punës, 10 kallëp të metalit për përpunimin e plastikës, 8 ngrohëse që shërbejnë për shkrirjen e plastikës, 5 pompa të ujit, 1 trafo e rrymës/furnizues për makinën e shkrirjes së plastikës të cilat janë gjetë dhe sekuestruar nga ana e policisë” – thuhet në njoftimin e PK-së.
Tre nga personat e arrestuar pas përfundimit të procedurave janë dërguar në mbajtje ndërsa, tre të tjerë janë liruar në procedurë të rregullt, thuhet ndër të tjera në njoftimin zyrtar të policisë.
“Tre nga personat e arrestuar, pas përfundimit të procedurave të nevojshme policore, janë dërguar në mbajtje, ndërsa tre të tjerët janë liruar në procedurë të rregullt, ndërkohë që hetuesit me vendim të prokurorit, i kanë dorëzuar gjësendet e sekuestruara, pronarit legjitim.”
