Arrestohen katër persona në Himarë, dyshohet se po transportonin paligjshëm 29 emigrantë

Ka vazhduar operacioni policor i koduar “Border”, për goditjen e njëpasnjëshme të veprimtarisë kriminale të transportimit të emigrantëve kundrejt fitimit, për të kaluar ilegalisht në vendet e BE-së

Ka vijuar operacioni policor i koduar “Border”, për goditjen e njëpasnjëshme të veprimtarisë kriminale të transportimit të emigrantëve kundrejt fitimit, për të kaluar ilegalisht në vendet e BE-së.

Operacioni i zhvilluar nga DVKM, në bashkëpunim me Repartin Special “Delta”, Komisariatin e Policisë Himarë dhe Seksionin e Trafiqeve në DVP Vlorë. Katër persona nga Shkodra janë arrestuar nga Policia shqiptare, me dyshimin se po transportonin me një mjet furgon 29 emigrantë.

Policia Shqiptare ka sekuestruar dy automjetet, me të cilat, transportoheshin emigrantët dhe celularët e të arrestuarve.

Inicialet e të arrestuarve janë: F. H., 48-vjeç, M. F., 32-vjeç, B. F., 18-vjeç dhe K. Q., 36-vjeç, të katërt banues në Shkodër.

Shtetasit bashkëpunonin me njëri-tjetrin për të kryer transportimin kundrejt pagesave të 29 emigrantëve, me qëllim kalimin e kufirit në mënyrë të kundërligjshme.

Shtetasi B. F. drejtonte furgonin me të cilin transportoheshin emigrantët, ndërsa 3 shtetasit e tjerë të arrestuar, lëviznin me një automjet tjetër, me qëllim monitorimin e rrugës së kalimit nga Saranda drejt Shkodrës, për t’i shmangur shërbimet e Policisë.

Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme, për veprën penale “Ndihma për kalim të paligjshëm të kufijve”, kryer në bashkëpunim.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika