Hetuesit e Njësitit të hetimeve të Përgjithshme mbrëmë kanë arrestuar katër persona, që dyshohet se kanë kryer së paku 10 vepra të vjedhjes, të cilat janë bërë nën kërcënimin e armëve.
“Personat e dyshuar: F.M, mashkull, 34 vjeç F.M, mashkull, 32 vjeç, A.S, mashkull, 34 vjeç dhe XH.S, mashkull, 41 vjeç, janë arrestuar në Stacionin e Autobusëve, derisa po tentonin të largoheshin nga Kosova”, thuhet në njoftimin e Policisë së Kosovës.
“Personat e arrestuar dyshohet të jenë të përfshirë në rastet e grabitjeve, që kanë ndodhë në pompa derivatesh, markete kryesisht në rajonin e Prishtinës”, thuhet në njoftimin e PK-së.
Personat e dyshuar pas intervistimit nga ana e hetuesve me vendim të prokurorit janë dërguar në mbajtje.