Arrestohen katër shqiptar në Londër, dyshohen për kontrabandim parash

Katër persona janë arrestuar si të dyshuar për kontrabandë parash nga Britania e Madhe për në Shqipëri. Një seri bastisjesh të koordinuara u kryen të shtunën (13 prill) duke filluar me arrestimin e një shqiptari 48-vjeçar në Dover

Katër persona janë arrestuar si të dyshuar për kontrabandë parash nga Britania e Madhe për në Shqipëri. Një seri bastisjesh të koordinuara u kryen të shtunën (13 prill) duke filluar me arrestimin e një shqiptari 48-vjeçar në Dover.

Rreth 200,000 paund në para të gatshme u sekuestruan nga automjetet e tij për të cilat Agjencia Kombëtare e Krimit (NCA) pretendon se ishin rrugës për në Shqipëri. Dy burra, të moshës 34 dhe 22 vjeç, dhe një djalë 17-vjeçar u arrestuan dhe rreth 150,000 paund në dorë u sekuestruan në një automjet të dytë.

Oficerët pretendojnë se banda operon nën maskën e një kompanie të ligjshme korrierësh, por e specializuar në transferimin e parave të paligjshme jashtë vendit nga bandat e tjera të drejtuara nga shqiptarët. Menaxheri i operacioneve të NCA, Paul Orchard tha: Pastruesit e parave u mundësojnë kriminelëve të tjerë të rëndë dhe të organizuar si tregtarët e drogës dhe armëve të zjarrit, të kryejnë veprat e tyre të tmerrshme që dëmtojnë aq keq shoqërinë tonë.

Hetimi filloi në shkurt 2022 kur Forcat Kufitare ndaluan 48-vjeçarin shqiptar në kontrollet e tunelit të Channel në Folkestone. Brenda furgonit të tij kishte gjithsej 390,000 paund të mbështjellë në pako të ndryshme prej kallaji.

Shtëpia e tij në Haringey u kontrollua më pas dhe oficerët gjetën 150,000 paund të tjera në para. Të dy burrat mbetën nën hetim derisa u arrestuan sërish të shtunën (13 prill). Që atëherë ata janë liruar me kusht.

22-vjeçari dhe djali 17-vjeçar janë proceduar në gjendje të lirë në pritje të hetimeve të mëtejshme.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika