Arrestohen pesë persona në Mitrovicë pasi u përfshinë në një përleshje, njëri nga ta kanosi policin me vrasje

Pesë persona janë përleshur mes vete në Mitrovicë, disa prej të cilëve kanë ekspozuar edhe armë.

Në raportin 24-orësh thuhet se njëri nga të dyshuarit ka kanosur me vrasje njërin nga policët.

Pas intervistimit, me vendim të prokurorit, tre nga të dyshuarit janë liruar në procedurë të rregullt, ndërsa dy të tjerë janë dërguar në mbajtje.

“Pesë të dyshuarit janë arrestuar, njëri nga ta ka kanosur me vrasje njërin nga zyrtarët policorë. Pas intervistimit, me vendim të prokurorit, tre nga të dyshuarit janë liruar në procedurë të rregullt, ndërsa dy të tjerë janë dërguar në mbajtje”, thuhet në raportin e policisë.