Policia e Kosovës ka njoftuar se janë arrestuar tre persona, të dyshuar për veprat penale “Mbajtje në pronësi, kontroll ose posedim të paautorizuar të armëve” dhe ” Përdorim i armës” në Skenderaj.
Policia përmes një komunikate për media ka njoftuar se janë konfiskuar gjashtë armë, ku tri prej tyre janë pistoleta dhe tri pushkë gjuetie.
“Njësitet policore në kuadër të Stacionit Policor në Skenderaj, në dy raste të ndryshme kanë konfiskuar armë. Pjesë e ndërveprimit operativ e hetimore ishin edhe bastisjet e shtëpive të personave të dyshuar, që ka rezultuar me gjetjen dhe konfiskimin e gjashtë armëve të zjarrit: tri pistoleta dhe tri pushkë gjuetie.
Në cilësi të të dyshuarve janë arrestuar tre persona, të cilëve me aktvendim të prokurorit të rastit u është caktuar masa e ndalimit policor”, ka njoftuar Policia e Kosovës.
Policia njoftoi se ndaj të arrestuarve janë iniciuar raste për veprën penale “Mbajtje në pronësi ,kontroll ose posedim të paautorizuar të armëve” dhe ” Përdorim i armës”.