Policia e Kosovës ka njoftuar se ka arrestuar të dyshuarin 18-vjeçar në Vushtrri për “Posedim të paautorizuar të narkotikëve, substancave psikotrope dhe analoge”.
“Gjatë natës policia në Vushtrri, ka arrestuar një person të dyshuar për veprën penale “Posedim i paautorizuar i narkotikëve, substancave psikotrope dhe analoge”, ka njoftuar Policia e Kosovës.
Policia ka bërë të ditur se arrestimi i të dyshuarit është realizuar në rrugën “Bahri Kuqi”, në kohën kur zyrtarët policorë kanë ndaluar për kontroll një automjet dhe gjatë kontrollit të detajuar në automjet është gjetur dhe është konfiskuar një qese e vogël me substancë narkotike.
“Në cilësi të dyshuarit është arrestuar A. P., 18-vjeçar, shtetas i Republikës së Kosovës, ndaj të cilit pas intervistimit është iniciuar rasti për veprën penale “Posedim i paautorizuar i narkotikëve, substancave psikotrope dhe analoge”, thuhet tutje në njoftim.
Mes të tjerash njoftohet se me urdhër të prokurorit, i dyshuari është liruar në procedurë të rregullt.