Policia e Kosovës njofton se është arrestuar i dyshuari 19-vjeçar nga Prizreni, i cili ishte në kërkim policor në bazë të urdhërarresteve të lëshuara nga Gjykata Themelore në Prizren.
Të hënën e 12 qershorit, i dyshuari është arrestuar për veprën penale “Vjedhje e rëndë” dhe është dërguar në burg për një vit e 15 ditë.
“Me datën dhe kohën e lartshënuar, familjarët kanë informuar se i kërkuari është në shtëpi dhe se do ta dorëzojnë në polici”, njofton Policia e Kosovës.
Tutje, policia njofton se patrullat policore nga Njësiti Reagues Kujdestar e kanë arrestuar personin e kërkuar, i cili fillimisht është dërguar në Stacionin Policor në Prizren, më pas i njëjti është dërguar në Emergjencën e Spitalit të Prizrenit për kontroll mjekësor.
“Pasi janë përfunduar proceduarat ligjore, i arrestuari është dërguar në burgun e Prishtinës në vuajtje të dënimit me burg efektiv në kohëzgjatje prej 1 viti burg e 15 ditë, për shkak të kryerjes së veprës penale ‘Vjedhje e rëndë’”, thuhet mes tjerash në njoftimin e Policisë së Kosovës.